Пәйгамбәребез (с.г.в.): “Җәннәт аналарның аяк
астындадыр”, — дип әйткән.Әни! Күпме наз, күпме җылылык бар бу сүздә. Әниләр безгә
тормыш бүләк иткән, йомшак кулларында тирбәтеп, бишек җырлары көйләп үстергәннәр,
кулларыбыздан тотып тәпи йөрергә өйрәткәннәр, телебез дә «әннә” дип ачылган.
Әни
күзләре шундый мөлаем, ягымлы. Әйтерсең, бөтен дөньяның акылын һәм сабырлыгын җыйган диңгез! Йомшак
куллары сиңа кагылуга, бөтен кайгыларың югала. Авырсаң, төннәр буе күз
йоммыйча, яныңнан да китми инде ул! Бары әнкәй йөрәге генә шулкадәр түземле,
шәфкатьле. Нинди генә рәхмәтләр әйтсәк тә җитмәс төсле.
Ана, Әни,
Әнкәй! Бу илаһи сүзләр югары төшенчәгә, тирән мәгънәгә ия. Кем генә булмыйк
без, нинди генә эш-гамәлләр кылмыйк, югары дәрәҗәләргә ирешмик, иң беренче
чиратта һәммәбез дә бу дөньяга безне бүләк иткән Әниебезгә бурычлы.
Кадерле, хөрмәтле әниләр! Сезне
чын күңелемнән күркәм бәйрәм – Әниләр көне белән тәбрик итәм. Сезнең
һәркайсыгызга ныклы сәламәтлек, бәрәкәтле озын гомер, ак бәхетләр,
гаиләләрегезгә иминлек телим. Газиз балаларыгызның игелеген күреп, яраткан әни
һәм әби булып, шатланып-куанып яшәүләр насыйп булсын.
